https://cherukuramamohanrao.blogspot.com/2023/04/blog-post_16.html
పాంచభౌతికమైన ఈ
దేహమంతా
భావహారి నీకు నే నర్పణము సేతు
అలసితిని ఈదుచూ ఆశ సంద్రమును
గస పెట్టుచున్నాను గతి గానలేక
శీతోష్ణముల బాధ చెలగి బాధింప
పృథివితత్వపు మేను పెనుబాధ పడెను
నీ పాద పీఠమై అది నిలువ చాలు
భూమియౌ నామేను పులకించు స్వామి llపాంచll
నాలోని ఉదకాంశఅజ నీ శిరమున
ఆపాదమస్తకము అభిషేచనము చేయు
గంగలో కలుపుము గతి వేరు వలదు
జన్మ సార్థకమౌను
జగదీశ నాకు llపాంచll
నాలోని తేజస్సు నగజాదినాథ
నీదీప కళికలో నిలిపితే చాలు
రేపుమాపులు నిన్ను రెప్ప వాల్చక గాంతు
నీతేజమును కలిసి నిలుతు నిరతమ్ము
అంతకన్నా నాకు ఐశ్వర్యమేల llపాంచll
నాలోని మరుదంశ నందీశఈశా
కైలాస సీమలో కదిలితే చాలు
నీ మేను తాకుచూ నిజము పులకింతు
నీ సేవలో నేను నిలచిపోఎడను
వేరేమి కావలయు విశ్వేశ నాకు llపాంచll
కైలాస గగనాన కలిసి శబ్దముతో
నటనాన నేను నీ నట్టువాంగమున
నిరతమ్ము నాదమై నిలచి పోవుచును
లయలోన సాంతమ్ము లయమౌదు తండ్రి
నీ సేవలో నేను నిలుపుదల లేక llపాంచll
