వసుదేవ సుతం దేవం

వసుదేవ సుతం దేవం

వయసు వచ్చెనుగాని వలసినదౌ భక్తి

వచ్చు నమ్మకమేమో వడల దొడగె

సుఖసంపదలదాత చూపించు నినుజేరు

సులభమౌ  మార్గమ్ము సూక్ష్మముగను

దేవదేవా నాకు దిక్కు తోచగలేదు

దేహబాధల ముందు దీర్చుమయ్య

వద్దునాకొద్దయ్య వాసనా భరితమౌ

వపుషమానసములు వరదరాజ

                  సుగుణ సుమమాల సురపాల సుజనలోల

                  తండ్రివైజూపు కరుణను తంపుమీర

                  దేనికీనేను కొరగాను దేహినయ్యు

                  వందనములివె కావుమా వందలాది

ఈ సీసపద్యము నేను వ్రాసినది. దీనికి ఒక ప్రత్యేకత వుంది. క్రిందికి 1,3,5,7పాదములలోని మొదటి అక్షరములు 

మరియు  తదుపరి వచ్చు తేట గీతి లోని ప్రతి పాదము యొక్క మొదటి అక్షరములు తీసుకొంటే ' వసుదేవ సుతం 

దేవం' అన్న వాక్యముతయారవుతుంది. అదే పద్ధతిలోనే 2,4,6,8 పాదాలలోని మొదటి అక్షరములు మరియు 

తేటగీతిలోని యతిస్తానములోని అక్షరములు తీసుకొంటే కూడా అదే వాక్యము వస్తుంది. తేట గీతికి నాలుగు పాదములే 

కాబట్టి ఒకే విధమగు వాక్యము వచ్చుటకు యతి స్థానములోని అక్షరములు తీసుకొనుట జరిగినది. చదివిన పిదప మీకు 

నచ్చితే అభిప్రాయము తెలుపండి.