మైనమౌచు మనసు కరుగ - ఎద వినిచెను గానము
కనురెప్పల తాళము - శ్వాస వాయులీనము
మైనమౌచు
మనసు కరుగ - ఎద వినిచెను గానము
ఊహలు తెలిమబ్బులై - నింగిన విహరించగా
వన మయూరి నాట్య శాస్త్ర - మెళకువ వినిపించగా
హృది జలధిన కెరటమ్ములు - ఉవ్వెత్తున ఎగయగా
తన్మయత్వ వీచికలే - తావుల వెదజల్లగా
మైనమౌచు మనసు కరుగ - ఎద వినిచెను గానము
జలజల ఝరి గమనము -
జలతరంగ ధ్వానము
ఇంద్రధనువు తోరణము
- చిరుజల్లుల ప్రేరణము
నీలి జలద విరిబోణికి - నీరెండకు కళ్యాణము
కనుదోయికి పరిణయము -
కమనీయము రమణీయము
మైనమౌచు మనసు కరుగ -
మది పాడెను గానము
No comments:
Post a Comment